تعرف على تفاصيل رحلة " محمد نوفل " بالعجلة من مصر الى الاردن ثم بلغاريا لمؤازرة المنتخب المصرى بكاس العالم بروسيا - - صور
غادر الشاب المصرى محمد نوفل " ابن نوفل " مطار الاردن متوجة الى بلغاريا بعد قضئ 10 أيام منهما 3ايام عصيبة في عمّان ومحاولات كتيرة عشان يقدر نوفل حجز تذكرة طيران لصوفيا اتجاه واحد خاصة بعد الاهتمام الكبير من سفارتنا بالاردن وتدخلها للتنسيق مع سفارة بلغاريا ورومانيا والخطوط الجوية الرومانية و أخيرا تم حل المشكلة وحجزابن نوفل التذكرة اول امس و خلال ساعات هيكون نوفل في أوروبا لأول مرة في حياتة!
وقد قام محمد نوفل خلال الاقامة بالاردن بزيارة الى المُدرّج الروماني و هو واحد من أهم وأقدم المعالم التاريخية بعمّان. واذى تم انشاءة مناكثر 2000 سنة تقريبا وكان - ولا زال - اكبر مسرح في الأردن ومن اكتر المسارح اللي بيتعمل فيها حفلات لانه بيستوعب اكتر من 6000 شخص!
وقبل المغادرة قال محمد نوفل لابد لى قبل السفر الى بلغاريا ان اوجة الشكر و التقدير الى لأبو ثائر ومكنش ينفع أسيب الأردن إلا لما أقول لأبو ثائر: شكرًا جزيلاً ومستنيينك في أم الدنيا ..
وسلام كبير للاردن العظيم على كل الحاجات الحلوة والناس الجميلة اللي قابلتهم وعشت معاهم خلال 10 أيام..
واضاف محمد نوفل طول الطريق بتقابل ناس مختلفة تمامًا عن بعض، منهم اللي بيشجعك واللي يحبطك واللي يكون شايلك فوق راسه واللي منتظر بفارغ الصبر اللحظة اللي تمشي فيها واللي يغّير من أفكار وقناعات موجودة عندك من سنين بكلمة واحدة أو تصرف بسيط واللي يعاملك كعابر سبيل ورايح لحاله أو حتى اللي مش عارف يعاملك إزاي!
لكن الغريب عليًا حقيقي إني أقابل حد مؤمن بيّا وبأهمية وقوة اللي بعمله لدرجة يمكن أنا نفسي مش مؤمن بيها!! ساعتها بتقف تراجع حساباتك وتكتشف نقط جديدة في نفسك موصلتهاش قبل كده
طول الوقت شاغل بالي فكرة " هو أنا بعمل ده ليه؟ " والحقيقة برغم من إن الإجابات عندي جاهزة ومنطقية إلا إن فيه جزء مفقود معرفش هو ايه لكني بدّور عليه دايمًا عشان أقتنع بشكل تام باللي بعمله! بس يمكن الفكرة في إنه يفضل جزء تايه مش واضح له معالم ولا معايير عشان أفضل اتحرك ومقفش مكاني.. يمكن!
فترة رحلتي في الأردن أثبتت إن الفكرة الأخيرة ممكن تكون مظبوطة! ماهو مش طبيعي مثًلا إنه شخص (مفيش سابق معرفة) يجيلك من عمّان للعقبة - حوالي 350 كم - عشان يستقبلك في الميناء ويقولك إنه مستنيك في بيته في العاصمة وإنك مينفعش تنزل عند حد غيره! ولما توصل عمًان يستضيفك في بيته لإسبوع خلالهم يتفرغ ليك بشكل كامل عشان يوريك البلد وتاريخها وشوارعها ويحكيلك تجارب شخصية جدًا تنورلك الطريق لسنين قدام
يذكر ان محمد نوفل كان قد غادر مصر من ميدان التحرير يوم السبت 7ابريل الجارى بالعجلة متوجة الى روسيا و ذلك لمؤازرة المنتخب المصرى بكاس العالم بروسيا
تعليقات
إرسال تعليق