بالعجلة : محمد نوفل يقترب من حدود رومانيا لمؤازرة ودعماً للمنتخب المصري الذي غاب أكثر من ربع قرن عن كأس العالم بمونديال رسيا ..صور

  كتب : عبده العالمية 
مؤازرة ودعماً للمنتخب المصري الذي غاب أكثر من ربع قرن عن كأس العالم لكرة القدم، يقترب المغامر المصري محمد نوفل حدود رومانيا في رحلة التي تكللت بالصعوبات متجها الى روسيا على متن دراجته الهوائية متحديأ جميع المخاطر التي تواجهه خلال الرحلة.
وان هذه المغامرة جاءت مؤازرة للمنتخب المصري في مونديال روسيا ولتعرف على البلدان الاخرى وعادات وتقاليد الشعوب، وبين نوفل ان ابرز المعيقات التي تواجهه تغير المناخ من منطقة الى اخرى.
وفى البداية يقول محمد نوفل ان رحلته منذ انطلاقها من ميدان التحرير في القاهرة الى ان وصل اراضي مدينة صوفيا "بلغاريا "  استغرقت شهركامل ، حيث غادر القاهرة يوم السبت 7ابريل الماضى متوجة على متن دراجته الهوائية حتى الوصول من ميدان التحرير الى المملكة الاردنية الهاشمية والتى  استغرقت 15 يوما وإستقبل نوفل  لدى وصوله المملكة الاردنية الهاشمية سفر مصر هناك كما تم استقبالة عدد كبير من ركاب الدراجات الهوائية وعشاق التحدي والمغامرة في منطقة البحر الميت   
ثم السفر الى  بلغاريا عبر الطائرة فى رحلة استغرقت 10ايام وكان فى استقبالة بالمطار
 أ. احمد ندا من السفارة،  
ووجة محمد نوفل الشكر و التقدير لسفارتنا في صوفيا، حيث لقى نوفل اهتمام بالغ وترحيب كبير من معالي السفير  مؤيد الضلعي ودعوته الكريمة لمنزله مع اصدقائه الشخصيين ومقابله بعيدة عن الرسميات   وسعادة القنصل في صوفيا   حداد الجوهري وسكرتير ثان أ  محمد محسن ومتابعة يومية وتنسيق مع سفاراتنا في عمّان وبوخارست والملحق الاداري أ  أحمد ندا واستقبال في المطار وتيسير لجميع الاجراءات وامن السفارة  أ. عاطف وأ. رضوان وفطار مصري أصلي
وكد نوفل ان الطريق من صوفيّا لپليفن -150كم على الحدود الرومانية  و هو الان يقترب من رومانيا  🤘🚴 وباقى "60 كم "على الحدود الرومانية
موكد ان اكتر حاجة لفتت انتباهي خلال اليومين اللي فاتوا هي المقابر اللي على  الطريق! وبعد تكرار المشهد ده بدأت اسئلة كتير تدور في بالي الحقيقة
هي دي اضرحة ولا اتدفنوا هنا طب لو مدفونين ليه اتدفنوا قريب اوي من الطريق كده؟ ده لو حصل حادثة هتمسح بالقبر الارض! وبعدين هما ليه دفنينهم لوحدهم! طب يا تري الناس الميتة دي فارقة معاهم ان قبرها يتمسح بالارض ولا مدفون جنبهم حد اساسا ولا لأ!!
طب هو الناس دي ماتت إزاي؟ وهو ليه كلهم شباب!! طب احلامهم وخططهم وتجاربهم خلاص كده بح! طب هي الحياة مستاهلة المعافرة والجري والتنطيط وطولة النفس اللي ممكن يتقطع في أي لحظة ده؟
الحقيقة معرفتش أجاوب على أي سؤال تقريبا .. ومطلعتش الا بشوية شك حلوين يخلوني ارجع افكر في حياتي من جديد وهل بتضيف لحد قيمة وهل مهم انها تضيف قيمة من الأساس! وازاي اقدر أكمل واحاول واشوف واجرب واتعلم عشان لما تيجي اللحظة اللي كلنا مستنيينها اكون مبسوط بإني أخدت نصيب مش بطّال وإن عدد السنين اللي عشتها تكون اتعاشت فعلا مش مجرد رقم بيكبر وخلاص! السفر غيّر نظرتي لأهم حقيقة مطلقة وهي الموت ومبقتش بخاف منه فاتحررت فبقيت مقّدر قيمة كل يوم وكل لحظة سواء كانت قدام ضريح واحد معرفوش في بلغاريا أو بتمشّى عالكورنيش الفجر في القاهرة..
واضاف محمد نوفل وقفت في استراحة اتغدى واستنى الشمس تخف شوية، ظبطت اموري ودخلت اجيب حاجة من جوه خرجت سمعت صوت قرآن!! كنت بكلم بابا في التليفون قولت هخلص واسأله عن جنسيته، لقيته بيقولي تعالى كُل معايا 😃
الحقيقة فضولي خلاني اقفل مع بابا واشوف مين ده وايه حكايته!!
أ. هاني الرشيدي، مصري من المنيا عايش بقاله 23 سنة في بلغاريا جاي من رومانيا وقرر ينزل ياكل هنا على غير عادته انه ياكل بره البيت بس لانه مهبّط شوية النهاردة!! كان بيخلص اتفاق طلبية رز لبوخارست وعرفت منه ان بيورّد من رز من بلغاريا لمعظم دول اوروبا الشرقية.. اصرّ يعزمني على الغدا بس كنت اتغديت للأسف😂 فاكتفينا بكوباية قهوة.
صدفة غريبة جدًا ومبسوط إن الاقدار اتوفقت بطريقة مش مصدقها لحد دلوقتي تخلي اتنين مصريين يتقابلوا في استراحة على حدود رومانيا من عشرات الاستراحات اللي بعدّى ومبقفش عندها !! يعني مثلا لو مكنتش بكلم بابا في التليفون مكانش سمعني وانا بتكلم عربي ومكنّاش اتعرفنا ولا شربت القهوة ولا كتبت البوست ده حتّى 😂❤
يذكر ان محمد نوفل كان قد غادر مصر من ميدان التحرير يوم السبت 7ابريل الجارى بالعجلة متوجة الى روسيا و ذلك لمؤازرة المنتخب المصرى بكاس العالم بروسيا